இயக்குநர் ஞானவேல் இயக்கத்தில் நடிகர் ரஜினிகாந்த் நடித்துள்ள திரைப்படம் வேட்டையன். இந்த படத்தில் அமிதாப் பச்சன், பகத் பாசில், ராணா டகுபதி, ரித்திகா சிங், துஷாரா விஜயன் மற்றும் பலர் நடித்துள்ளனர்.
அனிருத் இசையமைத்துள்ள இந்த படத்தின் படப்பிடிப்பு நிறைவுபெற்று பின்னணி வேலைகள் நடைபெற்று வருவதுடன், அக்டோபர் 10 ஆம் தேதி வெளியாகும் என்று அறிவிக்கப்பட்டுள்ளது.
படத்தின் டப்பிங் பணிகள் தீவிரமாக நடைப்பெற்று வரும் நிலையில், படத்தின் முதல் பாடலான `மனசிலாயோ’ பாடல் வெளியாகியுள்ளது. இந்த பாடலை மறைந்த பிரபல பின்னணி பாடகரான மலேசியா வாசுதேவன் பாடலை பாடியுள்ளார்.
27 வருடங்களுக்கு பிறகு ரஜினிகாந்த் திரைப்படத்திற்கு மலேசியா வாசுதேவன் பாடியுள்ளதுடன், அவரது குரலை ஏ.ஐ தொழில் நுட்ப உதவியுடன் மீண்டும் உயிர் பெற செய்துள்ளனர்.
மனசிலாயோ பாடல் தமிழ் மற்றும் மலையாள பாடல் வரிகளில் உருவாகியுள்ளதுடன், இசையமைப்பாளர் அனிருத் ரஜினியுடன் இணைந்து ஆடியுள்ளார். மஞ்சு வாரியர் குத்து நடனம் ஆடியுள்ளார்.