நடிகர் யோகி பாபு ‘மண்டேலா’ படத்திற்கு பிறகு தொடர்ந்து பல படங்களில் பிசியாக நடித்து வருகிறார்.
கடைசியாக யோகி பாபு நடிப்பில் வெளியான ‘போட்’ திரைப்படம் ரசிகர்கள் மத்தியில் நல்ல வரவேற்பை பெற்றுள்ளது.
மேலும், ‘மண்ணாங்கட்டி, வானவன் மற்றும் ஜோரா கைய தட்டுங்க’ போன்ற பல படங்களில் நடித்து வருகின்றார்.
முன்னதாக, 2022-ம் ஆண்டு யோகி பாபு மற்றும் லட்சுமி மேனன் ஆகியோர் இணைந்து கிராமப்புற படத்தில் நடித்துள்ளனர். இந்த படத்திற்கு ‘மலை’ என்று பெயரிடப்பட்டுள்ளது.
இந்த படத்தில் லட்சுமி மேனன் நகரத்திலிருந்து கிராமத்துக்குச் செல்லும் மருத்துவராக நடித்துள்ளார். யோகி பாபு வேட்டைக்காரனாகவும், நடிகர் காளி வெங்கட் வில்லனாகவும் நடித்துள்ளனர்.
இந்த படத்தினை அறிமுக இயக்குனர் ஐ.பி. முருகேஷ் இயக்கியுள்ளார். டி இமான் இசையமைத்துள்ளார்.
தற்போது இந்த படத்தின் ரிலீஸ் குறித்த தகவல் வெளியாகி உள்ளது. அதன்படி, படம் வருகிற செப்டம்பர் மாதம் வெளியாகும் என்று குறிப்பிடப்பட்டுள்ளது.